眾所9知，《 你的名字。》呢套神級作品已經上映咗一段時間，應該都冇乜邊個新海誠粉絲未睇㗎啦？而識睇《 你的名字。》嘅，除咗要睇佢個勁量洋蔥催淚彈劇本之外，就梗係要睇埋佢嘅超靚場景啦！話晒唔少場景都係喺大家最喜愛嘅日本取景㗎嘛～

咦，點解呢張《 你的名字。》poster同毛毛見過嗰張唔同嘅？說好的日本超靚場景呢？

是咁的，話說最近一位中國插畫師「ZEEKO」就運用自己高超嘅PS技巧，將《 你的名字。》嘅取景地由日本改為強國，睇下會係點喎……假如《 你的名字。》喺強國取景會變成點？之唔係灰過灰9咁樣樣囉。

嗯，傳說中嘅霧霾果然強勁呀下！連女主角三葉個樣都幾乎睇唔到，望住呢張咁高汁嘅改圖，真係令毛毛N年前讀文學嗰陣要背《蒹葭》嘅回憶出晒嚟……所謂伊人？毛毛真係睇你唔L到喎！

話時話，新海誠老師咪曾經喺訪問中話過自己將插畫師畫得好仔細嘅背景blur咗好爽嘅～假如《你的名字。》喺強國取景嘅話，咁老師咪冇得瘋狂blur背景囉？

btw，強國霧霾版嘅《你的名字。》是咪應該要改名做《你的樣子。》呀？

資料來源：ZEEKO／微博