自從神作《你的名字。》上畫以嚟，大家嘅話題都離唔開呢套電影呀！大家都咁鐘意三葉同瀧，想同佢哋調轉身份就冇可能㗎喇，食佢哋嘅嘢都仲有機，事關日本出年一月會開《你的名字。》主題Cafe呀！

池袋Parco嘅THE GUEST cafe&diner 會喺2017年1月7號到2月7號期間，變身《你的名字。》主題Cafe，等你食齊晒主角喺電影入面食過嘅早餐、高山拉麵、甜品！

唔止呀，Cafe另外仲設計咗一系列相關嘅食品，好似彗星、口嚼酒主題甜品咁，fan屎一定要去朝聖呀！

聽講一早預約仲有杯墊送啵，款款都咁靚，咪要日日都去先儲得齊？開得一個月咁少時間，想食多幾次都唔得，會唔會遲下連咩味都唔記得㗎？

封面圖片、資料來源連結：the guest

一定要睇：【插畫師改圖】假如《你的名字。》喺強國取景會變成點？