2016年12月24日 星期六
交換禮物收到咁大個鐵鏟實好開心頂啦！
知唔知點解毛毛年年都咁期待聖誕party嘅交換禮物環節吖？唔係因為毛毛終於可以收到禮物，而係等咗咁耐，毛毛終於有機會將唔等使嘅嘢當係禮物咁送出去喇！
而最近，有位台灣女網民都喺學校嘅christmas party抽到一份大禮。呢份大禮差唔多有成一米咁長，而且包裝精美，上面仲有個蝴蝶結?，呢位網民拆咗成分鐘先拆得開份大禮呀！真係令人好期待呢份大禮入面到底裝住啲咩……
登登登櫈，謎底終於解開，呢份大禮入面裝住嘅係……一個鐵鏟？
嘩，乜咁客氣呀？唔等使都算啦，仲要咁重咁大份，真係抬返屋企都嫌重嫌阻掟……嗯，所以最後咪搞到呢位網民帶住個鏟，迎著冷眼與嘲笑咁上足全日堂囉！
咁到底邊個hihi用鐵鏟嚟當禮物咁送出去咁hihi呢？嗱，之唔係左手邊呢位hihi囉。 Btw，其實交換禮物收到鐵鏟又點吖？正所謂「人生於世上有幾個知己～多少友誼能長存～」，留低嘅，都係一份心意吖係咪？
圖片來源：dcard
