有時啲嘢，唔係下下長就好嘅，長得嚟都要啱使先得㗎嘛！嗱嗱嗱，唔好誤會，毛毛係講緊耳機線咋……是咁的，話說最近有位台灣網民行Daiso嘅時候就發現一款新奇有趣嘅單邊耳機，重點係呢款單邊耳機條線竟然有5米咁長呀！

喂，家陣講緊5米，唔係5厘米喎……老老77，到底咩情況底下先會用到呢個線長五米嘅單邊耳機呢？唔通呢款耳機係長頸鹿專用嘅？有網民就話，用家喺聽歌嘅時候將多餘嘅耳機線繞喺條頸度，咁個耳機咪可以用嚟聽歌之餘，又達到保暖嘅效果囉！即係咁：

另外，由於呢款五米單邊耳機對呢位網民嚟講實在係太新鮮嘅關係，所以佢決定要買一個，而買完仲忍唔住即場拆開佢做返個實測?！ 

測試結果發現呢款耳機嘅音質都唔錯……嗯，係有聲嘅！ 

（開返認真mode）咁條線咁長係有咩用先？嗱，假如個耳機係手機用嘅話，咁長就梗係傻的嗎！之不過人哋個包裝都寫明呢款耳機係「for TV & Radio」咯，即係話，假如你屋企部電視好大部又離你張梳化好遠，而你睇電視又唔想嘈親屋企人嘅話，咁呢個時候用呢款耳機咪fit晒囉。

btw，冇咩嘅話，返出去用藍芽耳機先。

資料來源：dcard