老老77，特登出街睇煙花，咁多人一齊睇唔逼㗎？一來一回唔使時間、唔使錢㗎？唔使問阿貴都知喺屋企睇先係最舒服啦！所以呢位台灣網民咪打消咗出街睇煙花嘅念頭，改為喺屋企睇囉～咦，望出窗都有煙花景睇，咁呢位網民咪好有錢？

喂，邊個話一定要有錢人先可以喺屋企睇煙花㗎！好似呢位台灣網民咁，動用晒全屋嘅地拖同廁所刷擺返個靚陣，整出嚟嘅效果咪同斥資千9幾萬嘅煙花差唔多，仲慳皮同環保好多?呀～應該係，除非唔係。

再講吖，煙花只係一剎那嘅燦爛，boom boom boom之後就冇，快門慢少少都可能捕捉唔到。但你屋企啲清潔用具就唔同呢，佢哋嘅美態係永恆㗎（如果你識欣賞嘅話）！咁你就想影幾多張相放上網呃Like都冇難度啦～

唔信你哋再睇下，連主子都咁細心欣賞就知道呢個清潔用具煙花陣係好嘢嚟啦！btw，呢位網民玩完就好擺返好啲嘢喇，唔係陣間阿媽搵緊到又話9你就唔好啦，55。

資料來源： 林山姆／爆廢公社、ptt