成日睇日劇都見到唔少日本人鍾意喺屋企個廳放張大地毯，除咗因為美觀之外，原來仲因為張地毯可以要嚟練習畫畫？話說，最近有位日本網民就諗到利用地毯上面嘅毛毛嚟練習畫畫，而且佢仲「畫」得好神?！一齊睇下～

喂，呢個level毛毛都「畫」到啦，呢個咁嘅公仔樣有幾神呀？

大家唔好咁心急住先，頭先嗰啲只係小試牛刀，求其了下㗎咋，而家先係真正嘅開始……嗱，話明練習畫畫，梗係要揀個輪廓深嘅人物嚟畫㗎啦～畫邊個好呢？吖，諗到喇，不如就畫《遊戲王》入面嘅城之內克也啦！

咦，冇見一排，城之內塊面又尖咗喎！btw，雖然一睇城之內個下巴就知佢嘅面部輪廓有幾深，不過淨係練習畫面部輪廓都係唔夠，仲要練習埋畫肌肉嘅線條咁先得㗎嘛……出嚟啦，大岡！

用地毯「畫」到咁複雜嘅肌肉線條就叫勁？未算，以下呢幅練習作品先係真真正正屈機呀！

話時話，其實用地毯嚟練習畫畫呢個方法又幾好喎，「畫」錯咗又唔使驚，可以無限重用，果然夠晒環保呀下！

資料來源：amazon、agito0219／twitter

ここ数日の絨毯お絵描き練習を経て、本命の城之内描けました pic.twitter.com/wUWOIaej0D

— あぎとぅ(劇場版)： 徐倫よりデカイ (@agito0219) 2017年1月7日