Fat唇呢家嘢真係好難捉摸，有啲人覺得掛動物屍體上身好高貴，有啲人就鍾意將Barbie肢解，然後再掛晒佢哋啲手手腳腳上身做首飾。不過原來咁都未算重口味，外國有人拎咗啲超像真嘅耳仔同手指嚟做飾物呀！

嗱，大家平時買埋買埋咁多耳環，次次出街實唔知戴邊對㗎啦，而家多兩隻耳仔畀你哋咪夠晒你哋戴囉！吖話時話，啲耳仔耳環整得咁像真，啲人行過唔小心望到會唔會當堂嚇一跳㗎？好彩原來係得啖笑啫。

另外，呢款耳仔最貼心嘅係，為咗切合唔同膚色嘅人嘅需要，佢竟然有齊咁多種顏色同形狀嘅款式任君選擇呀！果然係居家旅行、整蠱朋友、萬聖節必備佳品呀下！btw，如果佢早啲發明嘅話，梵高就唔使割自己隻耳仔送畀人咁辛苦啦嗚嗚……

除咗耳仔耳環，仲有手指戒指賣呀！有咗呢隻戒指咪可以隨時變做六指琴魔？

封面圖片及資料來源：Boredpanda