2017年02月06日 星期一
【超治癒】幫士多啤梨清晒黑頭真係好爽呀！
士多啤梨啤梨蘋果橙～蘋果橙士多啤梨點樣揀～呢首神曲相信你實有聽過啦，唔好明明唱K必點都扮唔識，想懶係後生啵！嗱，呢首咁經典嘅作品都將士多啤梨擺喺最頭，你就知士多啤梨嘅水果界嘅地位有幾高啦！
士多啤梨紅卜卜又香甜，仲要用嚟整咩甜品都得，唔怪得有咁多fan屎啦。不過有時睇真啲，又唔知點解有啲毛管戙……冇錯喇，就係啲一點點嘅士多啤梨籽作怪呀！密集恐懼症嘅朋友擰轉面呀！
好彩，救星出現喇！台灣有個妹豬食飽飯冇嘢做，竟然做咗件千千萬萬密集恐懼症患者都想做而又唔得閒做嘅事：幫粒士多啤梨清晒啲黑頭粉刺！聽講佢努力咗半個幾鐘先有呢個成果㗎，不過最後個畫面咁治癒，挑到眼花花都係抵嘅！Btw，記得用返toner收毛孔啵。
識得針清都未算最勁，睇埋呢個神還原先啦，就係將個橙還原做284粒果肉喇！真係少啲心機同時間都唔得呀！
唔知密集恐懼症嘅朋友睇到有咩感覺呢？對肚餓恐懼症嘅毛毛嚟講，都係唔好搞咁多嘢，一啖食晒落口就最治癒！
封面圖片、資料來源連結：廖昱婷
同場加映：
