2017年03月14日 星期二
【係洋蔥呀】老師用7個鐘頭畫晒全班同學喺黑板當係畢業禮物
雖然而家用電話上網溝通好方便，就算畢咗業，大家由日日都見變成好久不見，都仲可以喺Facebook睇到對方近況，同舊同學感覺上唔係分開好遠咁，不過，喺畢業禮嗰日，聽到《Today》呀、《我們的紀念冊》呀呢啲歌，都難免一時感觸到喊出嚟嘅～畢業禮係人生中重要嘅一日，有咩心底話、有咩禮物想送，真係要趁呢日表達心意呀。
個個畢業禮嗰日淨係諗到冇得成日見到班書友仔、冇得喺球場跑嚟跑去、冇得再偷偷地?隔籬班個男神女神……有冇一秒諗到老師先！有，咪就係為咗唔使畀訓導檢查校服而暗爽囉！
不過如果畀著呢位美術老師教，班馬騮第日大個咗，都一樣會返嚟母校搵佢飲茶啫，事關佢親手畫咗幅《魔女宅急便》嘅黑板畫賀同學仔畢業呀，幾有心思呀！
《魔女宅急便》黑板畫就想鼓勵同學仔學小巫女咁努力追尋夢想吖，想信呢幅全班福，一定係想大家好好記住中學嘅美好回憶喇。有另一位老師喺畢業典禮前一日，用咗足足7個半鐘頭畫晒全班33位同學出嚟，有人露齒笑、有人瞇瞇笑，相信老師平時一定好留意每位同學嘅個性，用心同佢哋相處喇。
畫喺黑板，就算第二日校工叔叔姨姨唔捨得擦咗去，過咗一個暑假，始終都要抹乾淨嘅。同一個班房，又會有一班新同學嚟到上堂，全班福黑板畫消失咗，但相信課室入面發生過嘅片段，將會永遠印喺班同學仔心中。
RTしてください
— ??すぎたかいと?? (@soccerkaito8821) March 12, 2017
担任の先生が卒業式の前日に7時間半かけて描いてくれた絵。
上手すぎる。
森元勇気で良かった。#RT希望#拡散希望RT #上手いと思ったらRT pic.twitter.com/ozc4VNSlst
封面圖片、資料來源連結：soccerkaito8821／twitter
《這是你的畢業禮系列～》
【好靚呀】老師親手畫《魔女宅急便》黑板畫賀同學仔畢業
