早前有網民當錯茶包係暖包咁拎出街，呢件7事一傳出就搞到呢位網民畀大家瘋狂恥笑。喂咁講真，茶包同暖包咁似樣，又好難怪呢位網民會傻傻分不清嘅！而最近，有日本網民都發現某品牌嘅藥膏同某牌子嘅AA膠包裝似到十足十，好容易令人傻傻分不清喎！一齊睇下～

嘩，第一眼望落真係以為呢兩支嘢係同一樣嘢嚟喎！兩支嘢個顏色都係藍白色，而且咁啱包裝設計啲排位又係差唔多，兩支嘢嘅包裝似到咁，萬一唔小心眼殘用錯咪大劑？想黐嘢用錯藥膏事小，想消炎用錯AA膠就事大呀……嗚哇！毛毛已經唔敢想像落去！

藥膏？AA膠？藥膏？AA膠？媽呀，好亂呀！

btw，其實今次都唔係第一次有網民發現呢兩支嘢嘅包裝好易令人撈亂，之前有另一位網民都爭啲中伏㗎喇……唉，希望下個中伏嘅唔會係大家啦，55！

痔の薬とボンドが似すぎで危うくアナルが滅亡するところだった pic.twitter.com/8sHMITKRx9

— ステーキハウスかえで (@Assorted_fruits) 2017年3月19日

資料來源：Assorted_fruits／twitter、hamusoku