設計嘅嘢毛毛真係識條鐵。最近，有外國網民就喺廁所發現咗個謎一樣嘅設計，而家就等毛毛同大家一齊睇下！

呢位網民話喎，個謎一樣嘅設計就喺左邊幅牆入面。到底牆入面放咗啲咩呢？即刻開嚟見我！

毛毛仲以為幅牆入面應該係電掣乜乜77之類嘅嘢嚟啦，點知一打開⋯⋯原來入面竟然放咗個尿兜喺度？嘩，邊個會諗到原來牆入面仲有一個尿兜呀，呢個入牆尿兜真係極隱世喎！

喂話時話，毛啦啦整個極隱世尿兜喺度做乜呢？斷估都唔會係裝裝下修先發現問題咁7掛⋯⋯唔通呢個極隱世尿兜係畀啲人繁忙時段用嘅？淨係繁忙時段先用，咁咪解決到大家嘅需要之餘，喺非繁忙時段又唔會增加清潔阿姐嘅工作量囉！吖，諗落好似又幾ok啵～

不過咁，毛毛成日經過女廁都見到條龍排到出門口，似乎女廁比男廁更需要呢種極隱世廁所喎。

資料來源：Baitsch／reddit