淨係人先會好眉好貌生沙蝨㗎咩？以毛毛縱橫情⋯⋯呀唔係，縱橫係市場多年嘅經驗同大家講，其實生果咪又係一樣。大家唔好睇呢個蜜瓜個樣好似靚靚仔仔咁呀，佢內裡好黑心㗎！

是咁的，話說最近有台灣網民就買咗個蜜瓜啦，點知佢批好晒皮，一刀切落去將個蜜瓜一分為二嘅時候，佢就發現個蜜瓜入面竟然咁樣樣喇⋯⋯嗚哇，呢啲深藍色嘅液體係咩嚟㗎？

到底係個蜜瓜變壞咗先搞成咁吖，定還是個蜜瓜係來自黑心農場㗎呢？媽，好驚呀！呢位網民見個蜜瓜好似畀阿凡達吻過咁，於是咪出post集思廣益，問下大家有冇遇過同樣情況囉。

結果有網民就話唔使咁緊張，其實呢個笨唔係蜜瓜，而係惡魔果實嚟呀！黑鬍子咪就係食咗呢粒惡魔果實，所以先得到黑洞嘅能力囉！而另外，有網民就建議事主加啲漂白水落去，咁咪可以溝返勻囉⋯⋯嗯嗯，毛毛信你呀。

btw，其實滿肚墨水嘅嘢⋯⋯問毛毛就最清楚不過㗎喇！以毛毛9估，呢個蜜瓜只係讀得太多書啫，55。

資料來源：黃亭皓‎／爆廢公社

延伸閱讀：

【密集恐懼慎入】切開個火龍果以為生滿蟲 原來係發芽

點解切開隻雞蛋得蛋白冇蛋黃嘅喂？！

一切開個木瓜就發現入面發晒芽？

【打邊爐啱晒】嘩！木瓜入面呢三粒乜嘢嚟㗎？