啲身材好嘅女仔成日都會呻話出街會畀啲咸濕伯父望，著恤衫又會爆鈕，食嘢又好易跌晒啲碎喺個心口度，所以你話貧乳係一件幾幸福嘅事！好似係嘅⋯⋯係至奇呀！

唉⋯⋯話就話不要去羨慕，不要去妒忌，但係有得揀嘅話，妹豬都想自己身材可以好啲嘅，唔係又點會又加水餃又攝砵仔糕咁吖，唔係食得嗰啲呀，係墊心口嗰啲呀！

最近就有網友發現，原來炸雞可以豐胸㗎！但唔係款款炸雞都得㗎啵，一定要係Lawson出嘅呢款《勇者鬥惡龍》特別版嘅炸雞先得㗎！呢款炸雞最特別嘅地方，就係上面有個史萊姆型嘅蓋，每間分店得100個㗎咋～

網友一睇到消息立馬9衝去買咗兩杯返嚟，食完晒啲雞，洗乾淨兩隻杯，仲晾乾水放喺枱面喇。呢個角度望住呢嗰兩個蓋，點解有種咁熟悉嘅感覺㗎呢？喂喂，說好的豐胸呢？

一攝兩個蓋入去，真係立即變大亦得，得咗！嘩，仲要飛釘?呀喂！升咗幾個cup，係咪自信心都返晒嚟呢？計毛毛話，最好就係喺個蓋嘅尖端度篤多個窿?，咁咪可以用埋嚟飲嘢囉，真係諗起都興奮呀！嗱嗱嗱，不過玩還玩，妹豬唔好真係戴出街呀，你知啦，膠嚟㗎咋，一陣間畀人撞凹咗一邊，到時你叫人情何以堪呢？

封面圖片及資料來源：aoiusagi3456／twitter、akiko_lawson／twitter