最近網上流傳咗一條短片，片中位小妹妹好似好憎白雪公主咁喎，一齊睇下！

開始嗰陣，呢位小妹妹都有係咁意望下白雪公主嘅，可惜望咗幾秒之後，小妹妹就繼續食佢碟芝士通粉嚕～不過咁，白雪公主敬業樂業㗎嘛，佢又點會咁容易放棄呢？於是白雪公主keep住撩小妹妹講嘢，兼且喺小妹妹旁邊擺出幾個年齡超過8歲都唔敢擺嘅pose，希望小妹妹會畀佢嘅誠意打動到，露出一個半個笑容！

嗯，不過大家都見啦⋯⋯小妹妹個樣就好似定咗格咁，吱都唔笑，望都唔望下白雪公主一眼，而且內心仲好似想叫白雪公主條八婆收聲咁?！（ps：八婆即係美女咁解，詳見劇集《尋秦記》）

btw，毛毛知道白雪公主你已經好努力咁氹小妹妹開心㗎喇！以毛毛9估，小妹妹只係知道而家潮興厭世臉，所以先咁樣樣對住你啫！小妹妹應該唔係因為你個名太難聽，所以佢先唔鍾意你嘅，你放心啦，55。

資料來源：Katrell Hunter／Facebook