近日有網友發現新民黨社區發展主任葉家明嘅滅蚊單張原來係key圖，質疑佢欺騙街坊扮落區。

呢張重點係poster下面有關大型滅蚊工程嘅兩幅圖，葉家明個姿勢係一模一樣㗎！你話唔係key圖都冇人信啦！

創意爆燈嘅高登巴打們見家明咁鍾意key圖，紛紛出手幫佢key落唔同地方，登陸月球、為了取西經你共我極衝動都有，當然都唔少得同元祖萬能key Eason合作啦！

事後葉家明喺facebook貼返張相，証明自己當日真係有落區做嘢，唔係淨係key相交貨呃街坊，仲話「錯就要認，打要企定」，會接受同深刻反省?！

嗯…… 家明你咁識做，叫一班真係key相嘅官員情何以堪呀……BTW，毛毛見大家改圖改得咁興奮，都忍唔住改返兩張：

呢架鬼巴士嚇親唔少大人細路哥，放個實事家明落去平衡下，減少啲詭異感覺。

好男人最新標準係唔抗拒M巾呀！做社區發展主任，打造返個暖男形象，自然可以成功爭取多啲C9同豬妹支持啦！

資料來源：葉家明facebook、高登討論區、slrlounge.com