當whatsapp成為人類主要嘅溝通工具之後，亦慢慢發展出一套表情語言學。根據非正式統計，兵仔同娘娘、港男同豬妹女朋友係活躍用者，除咗廣東話以外，應該成為佢哋嘅第二語言。

每種語言都有佢哋獨有嘅學問、文化同使用方法，毛孩就深入淺出咁為大家製作咗一個emoji應用定位圖，幫大家更容易明白對方講緊啲乜，最起碼，唔會表錯情嘛！

之但係，我根據呢個表去分析K女神對我嘅性趣嗰陣，出現咗少少疑惑呀……

女神初初對我又單眼又伸晒脷咁，我問佢今晚得唔得閒嗰陣，佢仲覆我ok㗎，但之後全部都已讀不回……嘅。