今日咁凍，成身毛嘅毛毛都好想同公司其他毛毛（只限女同事）好似下面張圖啲汪星人咁，身貼身取暖呀！

有網民見到呢張圖嘅時候唔知係咪好肚餓，竟然覺得佢似……一堆蠔？

老老竇竇，望落又真係幾似喎！除咗呢堆肥嘟嘟嘅八哥，有啲肚餓嘅網民，都覺得呢堆咁打耳嘅貴婦似炸雞呀！（嗱！雖然我哋係大大台，但肯肯定唔會學大台咁賣直入式廣告㗎！）

仲有呢隻狡猾嘅喵星人，遠睇差啲以為係叉燒包，真係令人好想咬佢一啖呀！

不過就算佢哋幾似食物都好，佢哋係唔食得㗎！！有日本藝人就疑似為咗影相呃like，真係咬住咗隻貓呀！

喂！放開隻貓貓呀！

封面圖片來源：Twitter/ettoday/xinhuanet
資料來源：Twitter、ettoday、xinhuanet、ameblo.jp