如果買咗返屋企啲菜,識得自己繼續生長,買一斤生做兩斤,咁又幾抵喎?咁慳埋慳埋,咪好快儲到錢去日本睇紅葉囉?
有個網友話佢返鄉下探親嘅時候,佢親戚屋企包金菇竟然仲識生長㗎!明明係包裝金菇,應該「死」鬼咗㗎啦嘛,但包菇菇就喺雪櫃入面繼續生長,仲頂穿咗張保鮮紙?,嚇到冇人敢拎嚟打邊爐~
唔好歧視包菇菇啦,其實佢係冇罪㗎。毛毛作為未入門超初級業餘菇菇專家,就話畀大家知啦,金針菇嚟講呢,屬於低溫結實性真菌,菌絲體喺5~32℃範圍內都可以生長嘅。
其實菇菇嘅生命力真係好堅㗎,喺電腦散熱器、結他都可以生長到,喺雪櫃逆生長,濕濕碎啦~呀,如果毛毛荷包啲錢都識逆生長就好喇,唔貪心嘅,淨係銀紙就夠,散紙就唔使喇。
咁大個人就唔好FF啦,錢錢又點會識逆生長!算喇算喇,毛毛退一步!呢隻菇識繼續生長就得喇!
封面圖片來源:西環變幻時
延伸閱讀:【打邊爐食剩咋嘛】電結他都生菇?、毛毛教你切咕菇