毛毛相信,已經冇嘢可以阻止到蘑菇生長喺啲奇怪地方喇!
上次有位外國網友,佢部電腦嘅散熱器差唔多生咗成半打菇出嚟,震驚了13億人。
好彩我哋香港嘅菇菇都唔輸蝕!最近就有位高登巴打TSM_BJERGSEN因為太耐冇彈過結他,無聊一拎上手掃chord嘅時候,發現自己個結他竟然生咗粒菇仔出嚟呀!
睇真啲,個樣仲有啲似佢?:
估唔到啲菇仔生命力真係幾強喎!喂巴打不如你好好照顧粒菇,得閒彈多啲結他畀佢聽,等佢好好生長,之後愈生愈多,一變四,四變十二,到時成個結他生到好似蘑菇農場咁,再拎晒去賣,你仲唔發達?
封面圖片及資料來源:TSM_BJERGSEN/高登討論區
延伸閱讀:【點做到㗎】電腦壞機原來係因為粒菇