的士司機可能係全宇宙最能夠一心多用嘅人，次次搭的士，都會見到啲的士司機大佬車頭放滿晒唔同電話，一部自用一部call台一部用嚟同啲行家傾計是常識吧！ （講開又講，毛毛真係試過一次坐的士，見到個司機喺個whatsapp group入面鬧我做乜要過海……嗚嗚）不過人係要進步嘅，擺多部機嚟睇片，又點啫！

毛毛以為上次呢個司機一路揸車、一路睇跑馬，已經係揸車嘅極致，但原來一山還有一山高呀！

呢位台灣網民就喺搭的士嗰陣，驚見司機大佬部電話播緊愛情動作片呀！嚇死人咩！個心離一離呀！雖然毛毛對呢方面都有啲研究，但司機大佬你丁還丁，唔該望住前面專心揸車呀！毛毛唔想同你啲小生命攬住一齊死呀！

呢個司機就仲叻叻豬，趁住等燈位嘅時候練習吹牧童笛！唉，我司機大佬又何嘗唔係想做一個偉大嘅音樂家呢？毛毛望住張相，完全感受到佢嘅唏噓同失落……

封面圖片及資料來源：香港公路奇觀、爆料公社