古乳有暈，世界都是強國的，唔想畀人淘汰就應該一早強國化啦！但係有啲加拿大嘅鬼佬竟然唔肯同強國接軌喎～佢哋明明好好彩住喺有大把強國人嘅屋苑，仲有榮幸參加到由強國人主持嘅純普通話屋苑居民會議?！點知佢哋唔感恩不特止，仲話畀人歧視呀！

就係呢位居民話加拿大官方語言係英文同法文，開會要講普通話都應該有詳細翻譯，同應該畀佢講英文囉！

佢就話佢哋嗰頭唔係北京、台灣啲城鎮，要講返英文喎。台灣就唔講喇，佢住加拿大咁遠而家有得學普通話，仲唔感晒恩？！

最最最重要嘅係，明明買晒啲樓移晒民入去人哋區嘅強國人先係大多數，應該少數服從多數吖嘛，呢班鬼佬都唔識「融入」同「包容」嘅？係都要講英文嘅話未搬去第二度囉～不過搬到去邊都好，遲早都係強國嘅一部分㗎啦，早啲認命喇！

封面圖片來源：The Province

資料來源：CBC News