雖然今年冬天好似好短咁，凍得嗰幾日，但係啲貓咪都會覺得好凍㗎！毛毛聽fd子講，因為貓咪天生嘅身體比較敏感，所以會容易覺得凍啲！有主人嘅貓咪就可以好幸福，唔使喺外面捱凍！之但係啲流浪貓就慘慘豬囉，成晚流流長，又凍咁點算呢？所以好多時佢哋都會走去啲車度取暖，貪個引擎曖笠笠吖嘛！

不過好多時佢哋都會唔小心留低啲痕跡喺架車度......

有啲人見到可能會抹走佢，甚至會趕走啲貓咪，不過有香港人竟然會鋪好毛巾喺個車蓋度，誠意邀請啲流浪貓咪上去休息，真係好有愛呀！

你睇下左邊隻貓仔瞓到幾冧！雖然毛毛唔識聽貓話，但我肯定佢哋喺心入面一定講緊：多謝你呀喵！

封面圖片及資料來源：天下貓貓一樣貓