咁大個奇異果，點拎得起呀？不過好在佢自己識行識走，仲會搖頭擺尾跟你返屋企，送貨都唔使！

對於奇異果嘅生態，毛毛就冇乜研究嘅，不過呢隻奇異狗就似乎一年四季都補充緊營養喇！唔怪得佢皮光肉滑，隔住個mon都知佢多汁又厚肉啦！

咁好肉地，唔知呢隻奇異果有冇諗過減下肥，等自己睇落冇咁好食、唔使驚畀人拎嚟做沙律呢？

未諗好嘅話都唔緊要，問下呢個前輩啦！人哋應該好有腦，一定畀到建議隻奇異狗嘅！

封面圖片及資料來源：爆廢公社