大家記唔記得呢，之前日本咪有個網民要買Godiva朱古力，點知買錯Gorilla朱古力嘅？

而嚿無辜嘅大猩猩朱古力嘅下場，就係咁樣樣……溫奶煮猩……

有另一個日本網民，雖然唔係買錯朱古力，不過都買咗嚿馬騮朱古力返嚟呀。情人節，又撞正今年猴年，都幾應節呀～隻馬騮仔仲O住咀?頭，幾精靈喎！

不過擺喺度得個睇字係冇用嘅，食落肚就最實際！一於整個牛奶浴佢歎下！

浸下浸下，歎下歎下，佢慢慢，就離開咗我哋喇……呢隻馬騮個死狀，仲恐怖過隻大猩猩呀喂！你唔信試下望實佢對眼一分鐘呀，今晚小心發惡夢呀！

毛毛真心奉勸大家，唔好再飲馬騮熱朱啦好嗎？毛毛唔想下次去日本見到啲浸溫泉浸得咁梳乎嘅馬騮，會有陰影呀……（如果有錢有假去日本嘅話。）

封面圖片、資料來源：twitter

回帶：Gorilla朱古力嘅下場竟然係咁...