雖然聽講好似話要過咗十五先可以拆利是，但毛毛不嬲都唔care呢啲嘢嘅，規則係用嚟打破㗎嘛是咪先！有網友都同毛毛一樣，為咗有足夠彈藥同女友慶祝情人節，所以就拆咗其中幾封利是佢喇！

係，毛毛都知佢好曬，不過麻煩大家戴返副黑超繼續睇落去先。佢話當拆到佢阿姨畀嘅利是嘅時候，竟然發現入面有個套套，上面仲要有張「戴套戴到尾，細佬冇手尾」嘅貼紙呀！

個網民見到之後好嬲，話覺得阿姨唔信任佢喎！係囉！個網民一啲都唔似係啲咁膚淺嘅人囉！毛毛見到都好嬲呀！咁樣做即係潤毛毛冇得用啫！你有想過毛毛的感受嗎？沒有，因為你只想到你自己！

不過講開又講，個阿姨算醒㗎喇，識得用利是封入住佢。而且佢咁樣做，留低嘅都係一份心意而唔係負擔吖！好過有啲人，可能呢世都冇得用呀，嗚……

封面圖片及資料來源：威夫斯/香港討論區