咁多位獨L巴打，唔好以為過咗情人節就甩難呀，因為班PK係唔會放過任何一個可以放閃嘅機會……就好似呢個外國女仔咁，為咗箍實自己男朋友，竟然整咗呢件衫出嚟呀！

嗱嗱嗱，首先請大家無視個女仔牛龜咁大個嘅樣先，重點係件衫下面，原來係印咗句：「如果你讀緊呢句句子，就代表你已經行得太近喇。我有女朋友㗎！」一句就KO晒全部想埋佢身嘅女仔，分分鐘仲保障埋個男仔嘅人身安全，呢招真係絕呀！不過個男仔就……

嗯，見到佢個樣就知佢一定好開心，好感恩啦！其實之前都有出現過呢啲瘋狂女友，啊sor99ly，係瘋狂設計嘅Ｔ恤㗎：

佢女朋友因為擔心個男仔放假出去玩嗰陣會有一次性意外，所以就整咗呢件充滿住佢哋鍚鍚相嘅衫喇！老老竇竇，保唔保障到安全毛毛唔知，我剩係知一見到件衫就好想打9佢……嗱獨L們唔使灰住嘅，毛毛都為你哋整咗件求愛衫呀！

不過記住唔好整埋自己個樣上去喎！因為你的樣子如何，你的命運也……廢事嚇親人啦，55。

封面圖片來源：imgur

資料來源：imgur、mirror