香港土地問題嚴重，5歲細路仔都知啦，所以各位車主泊車嘅時候都要出盡奇招善用每吋空間先得呀！

好似呢位師兄咁，就算只係差0.03cm就會刮花架寶貝車，都一樣要攝入條欄杆下面，幫手慳返啲位，為解決香港問題出一分力！抵讚！

而呢架車嘅主人，更加係史上最強泊車L！呢個車位三面都有幅牆圍住，要泊入去唔難呀，慢慢倒後入去咪得囉，但係泊完點出返嚟先係問題喎！車門同幅牆都係隔幾吋咋，一開門就實撞到花晒啦！

毛毛日諗夜諗，終於諗到喇！好多網民話車主係用尾門呀、天窗呀、乘客位個窗呀度爬返出嚟，毛毛就話唔係喇，其實佢只係泊架車入停車場抖下，個人根本就仲喺車入面！肯肯定係咁啫！

封面圖片、資料來源：馬路的事討論區　

延伸閱讀：【完美泊車技巧】有車先定有欄杆先？