如果唔係毛毛屋企有土地問題，毛毛都想領養返三千隻貓貓畀毛毛服侍下～咩啫，奴性重唔得嘅咩？但點估到有人領養啲主子返屋企，竟然唔係奴性起，而係想拎主子嚟做生意，開貓貓Cafe！

話說有位人兄聯絡啲流浪貓社工，表現出一副愛心爆發嘅樣之餘，仲要乜都願意做齊咁款，搞到貓義工以為啲貓星人終於搵到個好歸宿，就將兩隻貓貓交咗畀佢。

點知後來貓義工發現，貓咪搵到嗰個唔係好歸宿，只係搵到份工咋，就係駐場喺貓貓Cafe度任摸喇！下，之前唔是話拎返屋企養嘅咩？

嘩嘩嘩，仲出動埋莊子嘅「子非魚焉知魚之樂」，之但係你夠唔是貓啦，你又知主子鍾意一雙玉臂萬人枕？

老老竇竇，之前又講到乜乜77咁，領養完就一個屈尾十反晒口，擺到明係?完鬆啫，仲話人誹謗，要告返人轉頭，真係Goodest 囉直呀！

BTW，毛毛都好支持領養㗎，但如果唔係真心想畀貓貓一個歸宿嘅，就唔該龜縮埋一邊唔好打攪佢哋啦！

封面圖片、資料及圖片來源：天下貓貓一樣貓