聽講挨豬最近轉咗個新logo，五顏六色咁樣樣，簡直係為每一個用開挨豬嘅你畫上一道彩虹～不過唔止挨豬為大家苦悶嘅生活添姿彩，就連毛毛好鍾意食嘅章魚燒都要coloring your life呀！

喂咪住先，你呢兜紅噹噹、疑似人造血漿嘅物體係咩嚟？嗱，你唔好同毛毛講呢兜嘢係要嚟整章魚燒嘅粉漿嚟呀......毛毛心血少，唔受得刺激㗎喎！

仆你個＿吖，真係章魚燒嚟嘅喂？！

唔止呀，除咗呢個睇到人哋心肝仔都卜卜跳嘅「血紅章魚燒」之外，仲有呢個青bb嘅青魚燒?......

不過紅綠章魚燒又點吖～好耐之前咪有日本仔整過呢個藍過藍絲嘅章魚燒囉！唔講毛毛仲以為係用廁所水整?，真係靚到毛毛唔捨得食呀（好似係，除非唔係）～

btw，毛毛煮嘢食唔係好叻，有冇人話畀毛毛知，呢啲係咪就係傳說中嘅「色」香味俱全呀？

圖片及資料來源：_muzzlet_／twitter、kizyoyu／twitter、itsuki_222／twitter