而家日日都30幾度，真係熱到咩胃口都冇呀，除咗凍冰冰嘅冷麵之外，咩都食唔落口囉。不過話就話冷麵，其實咪又食幾啖就變返室溫，咁邊夠過癮㗎！

嗚呀，如果有錢又有holiday，毛毛肯肯定會飛去日本食呢個冰碗冷麵！呢個係京都一間懷石料理餐廳新出嘅菜式，用晶瑩剔透嘅一大嚿冰整做碗用嚟裝蕎麥麵，真係睇到都覺得透心涼呀～

唔止涼浸浸呀，個賣相仲好優雅好high class！俐落嘅線條再加朵櫻花加塊葉做點綴，成功話畀你知咩叫簡單就是美！影低post上網實大把like ＆ share啫！

話時話，咁大嚿冰，唔知要食幾耐先食到佢溶呢？如果真係食到最後溶咗，咪會變做「堅・冷麵走碗」囉？

封面圖片、資料來源： 天ぷら 松