大家唔該畀啲掌聲一眾大熱天時都話想去bbq嘅人，因為……咁熱佢哋都忍受到，呢個世界仲有咩係難到佢哋呀？啪啪啪啪啪！不過咁，毛毛講嘅唔包括燒完嘢食又唔執返啲垃圾走嘅人喎。

話說，最近有市民喺屯門蝴蝶灣燒烤場發現有好多人燒完嘢食拍下籮柚就走，完全一啲手尾都冇，搞到周圍都係垃圾！佢仲話見到蝴蝶灣搞到咁樣樣，佢係香港人都覺得好羞恥?……唉睇下，而家要伯伯幫你哋執手尾喇！

老老77，香港人畀返啲公德心人哋睇下好嗎？自己都唔做好自己，仲有咩資格笑人呢？學劉小華話齋，你哋要乖呀～唔講住，冇咩嘅話，毛毛都返出去pantry清一清啲垃圾先。

圖片及資料來源：甘興／香港突發事故報料區

回帶：【公德心呢喂】邊個放張梳化喺烏溪沙碼頭隔籬個石灘呀？

回帶又回帶：【有冇公德心㗎】大量白色液體流入屯門河！