時代唔同喇，咩都要講cushion講轉型，追求正義都要出寫真，少林功夫都要mix埋唱歌sell畀新一代，就好似《少林足球》入面首「少林功夫醒～好好嘢～」咁呀。

期待咗咁耐，估唔到十幾年前嘅電影橋，真係終於成真喇！

有台灣嘅朋友影到十八羅漢開巡迥演唱會呀！佢哋企晒喺貨車上面，同觀眾近距離接觸，一啲架子都冇。你睇最前嗰位，仲拎住個咪唱到眼都合埋，真情流露，相當投入，直頭睇相都聽到佢唱緊「兒夜姨野以夜儀野」咁呀，相信佢等咗做少林G.E.M.呢個機會好耐喇。

呢尊像真係好出色，等毛毛行近啲問佢握手拎簽名先！咦喂？咪住，佢個咪，原來係不能說的咪咪嚟喎。因為說出來你就會發現，其實係後面條燈柱嚟……所以話，影相嘅角度真係好重要。

好彩羅漢後面唔係呢板筆咋，唔係以為佢想一物二用……呀算啦都係冇嘢啦。

封面圖片、資料來源：楊侑勳 

睇埋：【一秒崩壞】估唔到蛋黃哥嘅背面原來係咁……