前排毛毛成日聽到啲街坊話，最近條街多咗好多強國人揸住架電動車走嚟走去喎。估唔到今日終於都畀毛毛見到佢哋嘅真身喇！

有網友就喺火車度見到有個大媽居然夠膽死成架電動車揸入去，仲要玩埋電話咁，真係藝高人膽大呀！咁又係嘅，坐火車成日都冇位坐，自己揸埋架車入去咪可以有個個人專屬位，唔使同人爭囉！而且呀，話就話揸電動車唔使用力啫，但都會攰㗎嘛！直接成架車搬上火車去到目的地，既方便又快捷！你哋識條鐵咩！

其實火車呢幾年都變咗係運（水）貨專車㗎喇，區區一架電動車，又算得係啲咩吖。

毛毛望住啲相，諗到香港終於同親愛嘅祖國接軌，真係好L感動，嗚嗚！

圖片來源、資料來源：April Yuen/上水粉嶺人分享會