世上最邪惡嘅嘢食之一，肯肯定係炸雞！又香又脆仲要啖啖肉，諗起都流晒口水呀。每次食到最後，都只能夠懷住依依不捨嘅心情同堆雞骨講byebye…… 下次唔捨得啲炸雞殘渣，除咗喪啜之外，仲可以學下呢個日本神人喎！

咦，呢個咪王者基多拉？！日本有個好叻整骨骼標本嘅超強網民食完13桶白頭佬炸雞再加4盒炸雞翼之後，用堆殘骸砌咗哥斯拉個勁敵：王者基多拉出嚟呀！

嗱嗱嗱，有圖有真相，佢真係同屋企人、朋友食咗超過100件炸雞㗎！啲骨就唔係大家吮出嚟咁核突嘅，係首先戴住手套將骨肉分離，先再慢慢食啲肉㗎。

ケンタの骨で骨格は作れるのか？
って奴で、キングギドラの骨格も作れる？って言われて
作ったのがこちらです。

三枚目はケンタ使用量#骨格標本作りのススメ pic.twitter.com/QlmNswU6hR

— 骨オヤジ×コダック (@honeoyaji) September 8, 2016

王者基多拉對翼呢，就係用雞肋骨整嘅，一節節嗰啲骨就係胸骨，而個頭呢，就係用唔同小骨頭黐埋一齊嘅。Between，呢隻骨頭版王者基多拉會唔會一掂就散㗎？咁咪一嘢就畀哥斯拉K.O.囉？

これが、日の目を見なかったケンタ某ツリー。 pic.twitter.com/O7UL2bQWs4

— 骨オヤジ×コダック (@honeoyaji) September 8, 2016

話明係神人，點會咁易畀你估到呀。佢神還原王者基多拉之後，仲用淨低嘅骨砌多個瞭望台?呀！

點解人食炸雞毛毛食炸雞，人哋可以咁強嘅……毛毛識得用炸雞骨加水煲湯都已經偷笑喇…… 

封面圖片、資料來源連結：honeoyaji／twitter、2ch