香港人真係好忙，不過，家有主子嘅香港人就更忙！平時為咗搵兩餐晏仔，已經做到隻狗咁，想話抽多啲時間陪主子？邊有咁易吖！所以咪令到一眾主子嬲嬲豬囉！

話說，最近日本有隻非常不滿奴才外出嘅主子，為咗唔畀奴才出街，佢竟然用盡九貓二虎之力，扯實奴才唔畀佢走喎……

見勢色不對，佢就直頭用埋咬咬功！冇主子批准，你咪使指意行出呢個門口一步呀喵！

嗚哇，主子你放小人走啦！其實小人咁忍心離開你，都係想搵多兩蚊買罐罐畀主子你享用咋……你估小人唔想日日喺屋企陪住你、同你hea到2046咩！唉！

資料來源：d1d2c3／twitter

延伸閱讀：【大膽奴才】掛住做嘢無視我？等我扯甩你條褲先！