經驗之談，女朋友真係唔易搵，而搵到，都唔一定適合。

話說，最近有位台灣網民喺網上見到個好正嘅「女朋友」，於是就即刻畀咗5000蚊台幣訂貨，仲幫諗住幫佢改名做「星野優」?～點知，佢收到貨一打開紙皮箱嗰陣就發現……「女朋友」成隻女鬼咁嘅？

喂！明明上網睇嗰陣係咁樣樣㗎喎：

未充氣嘅「女朋友」除咗成個人都同網上圖片完全唔之外，呢位網民仲表示，佢一睇到啲假膠手手腳腳同胸部，就嚇到佢嗰30cm變九叔喇！

er……正所謂希望在明天，或者「女朋友」充完氣之後會生性好多呢？

即使充滿氣，即使著埋衫，「女朋友」都仲係完全提唔起呢位網民嘅性趣……唉，老老77，連主子見到呢位「女朋友」都畀佢嚇到唔敢行近啦，你哋呢位網民點樣發揮佢嗰30cm嘅威力啫？

而另一方面，賣家收完錢寄完貨就即刻潛水，搞到呢位網民想退都冇得退，最後咪唯有叫「女朋友」陪佢打……機囉。

btw，其實舊時啲人咪又係盲婚啞婚，話唔定你哋相處下之後會慢慢發現對方嘅好處呢？愛情嘅嘢唔係淨係得做愛做嘅事㗎嘛，仲要學下點樣發掘人哋嘅內在美！嗱，起碼呢位「女朋友」唔會日日check你手機先吖，係咪？

資料來源：Sam20140208／ptt