眾所9知，日本橫濱八景島海島樂園入面住咗一隻好出名嘅肥海豹。呢隻肥海豹繼早前畀網民影到瞓瞓下沉咗落水底之後，最近又畀日本網民影到佢笑笑口咁瞓覺嘅得意睡姿喎～而家等毛毛同大家一齊睇下！

嗚哇，叫得做肥海豹，果然真係肥到冇頸呀下！見到佢嘴角微微向上，個樣又好似發緊個好sweet嘅夢咁，毛毛真係好想摸下佢個頭仔！吖～唔知佢夢見啲咩呢？

而呢隻肥海豹仲好醒?㗎，你哋見佢識得瞓喺陰涼地方下面咁歎就知啦！

不過，愈見到呢隻肥海豹瞓得咁舒服，毛毛就愈葡萄……點解佢可以日日食飽就瞓、瞓飽就hea，而毛毛就只可以日日ot o到2046吖？公平咩！仲有點解人肥佢又肥，佢肥就係得意，而毛毛肥就係肥矮醜喎！咁又公平咩！

資料來源：hirameki1p／twitter