2016年11月05日 星期六
【粉紅粉紅的】著住呢條水蜜桃襪褲會唔會太誘人？
早前班日本媽媽咪好興用水蜜桃遮住自己BB個pat pat嚟影相嘅，唔少妹豬見到都表示想影返輯水蜜桃寫真～之不過，班妹豬都咁大個女咯，好似班BB咁剝光豬影相好似有啲尷尬喎……吖唔緊要，著住呢對水蜜桃襪褲影咪得囉！
嗱，毛毛講緊嘅之唔係日本11月中會推出嘅呢對水蜜桃襪褲囉！雖然一對水蜜桃襪褲賣成4320円（即係大約港幣＄330），但佢每一個細節都做到非常出色㗎。
大家睇下佢水蜜桃位置嘅質感做得幾真實，而且腳板底位置仲有塊綠葉做襯托?，真係絕呀！
btw溫提，雖然啲女女著住條水蜜桃襪褲真係好誘人，但毛毛喺度呼籲大家袖手旁觀……i mean眼看手勿動，千祈咪亂掂呀！如果唔係陣間畀人拉咗去坐花廳就唔好啦。
資料來源：vvstore.jp
