作為一個盡責嘅主人，照顧好寵物嘅起居飲食是常識吧！而有位台灣小朋友就深明呢個大道理，佢見到屋企啲金魚口擘擘、好似好肚餓咁，就即刻將自己平時食開嘅奶粉開心些牙畀啲金魚食喇……咦，不過點解眼前突然白茫茫一片，唔見晒啲魚魚嘅？

呢位小朋友嘅老竇勢都估唔到，自己行開一陣，缸魚就會搞到成煲鮮奶魚湯咁……望住一心幫佢餵魚嘅囝囝，真係唔知喊好定笑好！好彩佢及時返到，即刻拎個魚缸去換水，啲魚先可以冇事啫！

老竇心諗，啲魚大個㗎喇，佢哋唔食奶粉㗎喇……傻豬豬你都係留返自己飲啦好嗎？

btw，雖然呢位小朋友唔小心用咗奶粉嚟餵魚，係有啲天真有啲傻，但樂觀啲咁睇，起碼奶粉都叫做食得吖～之前呢兩位貓奴傻豬豬到以為貓砂係貓糧?呀！

計毛毛話，有個咁有愛心嘅囝囝，呢位老竇執到啦！

資料來源：陳健豪／爆廢公社、貓咪也瘋狂俱樂部

延伸閱讀：【阿媽你真幽默】換貓糧竟然換咗呢樣嘢