嚟自外星嘅貓貓不嬲都當正自己係皇帝，企圖用聖上呢個尊貴嘅身份控制人類，計劃一步步佔領藍星。不過人類又自願做佢哋嘅貓奴，真係唔抵得佢哋咁沙塵嘅。

原來喵星人唔止當正自己係聖上咁簡單，直頭視自己為神呀！唔少喵星人一見到奴才屋企個神枱就賓至如歸咁，當正係自己地頭，一句唔該都冇就跳上去瞓晏覺，甚至連供品都飲呀！

呢隻喵星人跳高跳低，小心打爛晒啲玻璃樽呀！（雖然都係你奴才打掃返……）

點知話口未完，佢就一嘢跳咗上神枱，仲要坐正正喺度！唔通佢嘅真正身份其實係神仙？！仙喵下凡，快啲下跪膜拜呀！希望喵星人早日完成一統藍星大業，吾喵萬歲萬歲萬萬歲！

但係，聽講汪星人都係神仙嘅化身……死喇，今次到底跟邊個大佬好呢……

封面圖片、資料來源連結：芬蘭天鵝／微博

延伸閱讀：【仙汪下凡】狗狗你企正喺啲光度想嚇死主人咩！