2016年10月24日 星期一
【仙汪下凡】狗狗你企正喺啲光度想嚇死主人咩！
少年，你實在太年輕喇，你以為屋企隻日日要你摸摸頭同搓肚仔嘅貓貓同狗狗真係寵物咁簡單咩？佢哋真身其實係喵星人同汪星人呀！
好似喵星人咁呀，出晒名鍾意暗中觀察人類嘅一舉一動，為統治藍星、要全人類做佢哋奴隸做好部署。不過話時話，嚟嚟去去都淨係搵到貓貓係外星生物嘅証據，好似未見過汪星人方面嘅証據啵？
最新消息！終於搵到狗狗真身係汪星人嘅証明喇！睇唔睇到呀？就係相入面嗰一束光呀！不過光到毛毛都睇唔清楚，係咪汪星UFO嚟㗎？
行近兩步睇下，原來係汪星人本尊呀！你知唔知自己啲毛有幾白呀！仲要企正喺太陽光射入大廳個位，你嘅光芒實在太耀眼喇！平凡人真係唔敢直視你呀！
「人類，見到本汪顯靈都仲唔下跪…真係冇家教…」
毛毛以為黑人夜晚影相先會有睇佢唔到嘅煩惱，估唔到原來皮膚太白遇到陽光都一樣會……
封面圖片、資料來源連結： omocha_no_uma／twitter、reddit、黃政雲
延伸閱讀：
