開講都有話：「死讀書，讀死書，讀書死」，如果家長下下淨係迫9啲小朋友讀書溫書操TSA就死得啦！計毛毛話，做家長嘅應該好似呢位台灣老竇咁，得閒就同阿女互動一下，咁先可以發掘到阿女佢到底有咩潛能㗎嘛！

而最近，呢位老竇就走咗去紋身。眾所9知，紋身嘅嘢就唔係一日紋好嘅，好似呢位老竇咁紋咁大範圍嘅就要先起稿。就喺呢個毛文，可能阿女見老竇個紋身淨係得啲outline好單調啦，所以咪好心幫佢上色囉～

唔上由自可，一上就發現……原來阿女又幾有做紋身師傅嘅天份喎！呢位老竇仲問：「我該給我女兒學刺青嗎？看她畫的有模有樣！」

老老77，假如阿女真係鍾意學紋身嘅咪畀佢學囉～反正你而家都做緊人肉填色冊啦，第時做埋人肉紋身練習簿應該都唔介意㗎可？嗯，係父愛呀！

資料來源：連長／爆廢公社