老老77，有邊個香港人唔係睇周星馳大吖？話冇睇過周星馳嘅都好打極有限啦！其中由周星馳同鞏俐主演嘅《唐伯虎點秋香》，雖然數數手指腳趾已經係23年前嘅戲，但毛毛都依然由尾背返出嚟都仲得，當然包括呢套電影嘅經典場景之一嘅「神鳥鳳凰圖」啦～

而今日，有台灣網民喺台北士林巷弄發現偽唐伯虎（即係堅．祝枝山）嘅真跡－「神鳥鳳凰圖」喎！而且上面嘅墨水都好似未乾?，睇嚟畫呢幅「神鳥鳳凰圖」嘅人應該走唔遠。

呢位網民仲話：「請問要通報華太師嗎？我怕他會發飆。」

睇真啲，又真係同幅雞仔啄米圖……呀唔係，係同幅神鳥鳳凰圖似到十足十喎！一見到呢幅咁經典嘅神鳥鳳凰圖，就好似連毛毛隻青春小鳥都返返嚟咁……係回憶呀哈利！

資料來源：AnewMitch／ptt