毛毛細細個就聽青蛙王子呢個故仔，一聽就知佢呃人～青蛙會變王子，咁毒L都變公子啦。不過又估佢唔到，原來青蛙唔變王子，可以變公主喎！你睇呢隻青蛙，有兩隻蝸牛同佢合體呀，融合！

呢個咪利亞公主！個樣係似嘅，但係個身材就⋯⋯呢啲時候梗係要搵大神幫手啦！跪求大神key返個完美嘅Body~最好就有前又有後，少啲布就最好嘞～

係經典嘅奴隸利亞造型呀，謝大神！少年，你以為咁快就玩完？你太天真啦～今次真係變變我變變變變，世界倒轉我再倒轉呀！

公主變咗做音樂神童背多fun呀！見到佢呢個look，係咪有股衝動想高歌一曲，跟住佢唱呱呱呱刮呢～世人已經阻止唔到大神嘅興致，佢哋越玩就越高興，連銀紙都唔放過呀！

你唔知佢係邊個？蛙盛頓你都唔識，真係好打有限啦。你細個梗係無聽書定喇，斬楊桃樹嗰個呀。你睇佢個髮型咁潮，加埋佢個和藹可親嘅笑容，而家返出嚟選都肯定贏侵侵呀！

蛙盛頓：「等我變身先～！」

毛毛覺得呢幅畫相當有嫌疑。你睇吓佢呢幅《戴珍珠耳環的青蛙少女》，簡直就係煩膠嘅傑作呀！

其實今次嘅幕後黑手係一個叫Bored Panda 嘅網站，佢哋見呢隻蛙畀人瘋狂改圖，所以就直接開咗個帖，畀各路大神一展身手。Between 喺香港嘅PS大神都可以up相㗎。飛雲，揚威國際嘅機會嚟喇！呢個活動仲有一個星期就完喇，心動不如行動呀！

封面圖片及資料來源：Bored Panda