明明左手又係肉，手背又係肉，但人類就總係要為咗投喵星人定汪星人一票而拗餐死，有人話喵星人cool啲，汪星人就熱情啲；喵星人當自己係神，汪星人就當主人係神……拗咗咁多年，原來大家都忽略咗重要嘅一點呀，就係汪星人短啲，喵星人長啲呀！

喂喂喂你又諗咗去邊呀？毛毛講緊佢哋嘅身體長度呀。話說日本有個網民隻柴狗仔因為後腿脫臼要做手術，而家日日都要幫佢做伸展運動（IZ運動）等佢快啲好返。呢個伸展運動係點做嘅呢？咪就係抱實狗狗，再將兩隻腳仔屈曲又再拉直咁囉～

點知呢個手多多嘅奴才，竟然心血來潮抱起喵主子嚟試下，唔試由自可，一試先知原來喵主子個身可以拉到咁長㗎！仲要唔係長柴狗少少，而係成半個身咁多！

喵主子表示：「朕一長起上嚟連朕自己都驚呀！你個蠢奴才好收手喇喎，我個尊貴又粉嫩粉嫩嘅肚肚係可以隨便畀人睇㗎咩！」見到呢個畫面，真係忍唔住想唱返句「長～人是你！」

聽講喵星人唔止身體好長，連工時都過長㗎！之前日本有間電視台見市面上唔少貓cafe都開到夜晚10點，所以就專程去訪問下喵星人覺得攰唔攰喇。見到主子個樣，就知佢哋工時有幾長啦？

後脚脱臼の手術を控えているうちの柴犬は、毎日脚を屈伸させるストレッチ（IZ運動）をしている。
試しに猫でやってみたら、どこまでも伸びて焦った。 pic.twitter.com/XtYhejJbJE

— カカ (@_kak_kaka) November 30, 2016

封面圖片、資料來源連結：_kak_kaka／twitter、まっちゃん／twitter

延伸閱讀：【用個樣嚟答你】搵食艱難 連貓星人都工時過長