喵星人真係好忙，每日除咗賣萌之外，仲要諗下點樣統治世界～咦，唔通主子想用自己嘅可愛魅力嚟征服地球，所以先坐住架車頭搖又尾擺咁微服出巡，仲一秒被放大，等大家可以讚頌佢嘅偉大？

嘩，係巨大化嘅主子呀！你哋睇下佢坐喺架車度眼仔碌碌咁，就好似等人陪佢玩咁呀～喂，你咁樣即係考緊後面啲司機嘅定力啫？容乜易一個唔小心就跟咗主子行，唔知自己去咗邊㗎！

而喺側邊睇，主子都依然超卡娃依，隻手仔仲好似想伸出去捉嘢咁?！不過咁，好心你哋班人揸車就專心啲啦，係咁掛住拎電話影主子，咁搞法出事㗎嘛！

其實呢隻大萌貓就係台灣電單車嘅活動代言人嚟嘅，佢而家咪去緊彰化畀一眾貓奴朝聖囉！如果有朋友住嗰頭，就記得叫佢12月9至11號快啲去捕捉主子嘅身影喇，如果唔係彰化過後冇萌貓㗎喇喵～

封面圖片及資料來源：張零凱／爆廢公社、SYM／Facebook