2016年12月11日 星期日
【靚抽】哎呀！唔小心畫咗隻崩壞伊貝喺杯咖啡度?！
假如有最可愛小精靈排行榜嘅話，毛毛肯肯定伊貝會排頭五名之內。之但係，睇完最近一集《寵物小精靈Sun & Moon》之後，毛毛就唔敢咁講喇……你哋睇下隻伊貝崩壞到咁樣樣，叫毛毛仲點好意思話佢可愛啫！
雖然隻伊貝突然轉咗行強國風，不過有日本咖啡拉花師竟然唔嫌棄呢隻崩壞伊貝，而且仲趁噚日得閒嘅時候將隻伊貝崩壞畫咗喺杯咖啡度?！喂，你使唔使抽得咁快靚正呀？等毛毛睇下畫得有幾似先！
唔係講笑，真係100%還原㗎喎！無論係對死魚眼定係個見到佢就想車巴佢嘅得戚嘴都同《寵物小精靈Sun & Moon》隻崩壞伊貝一模一樣……
老老竇竇，你話喺張畫紙上面畫就話易啫，但而家係喺杯咖啡上面畫喎，到底畫到咁似係點做到㗎？有時真係不得不佩服咖啡拉花師嘅專業，因為佢哋沖嘅唔係咖啡，係藝術呀！
資料來源：george_10g／twitter
#本日の暇カプチーノ、『作画崩壊したイーブイ』。 pic.twitter.com/wKP8NIpqbe
— じょーじ (@george_10g) 2016年12月10日
