距離聖誕節仲有一個星期唔夠，即係交換禮物呢場鬥智鬥力兼鬥運嘅活動又嚟喇！每逢諗起交換禮物，就不禁倒抽一口涼氣，因為你唔知道抽到嘅會係一隻水杯、一卷廁紙定係一隻出奇蛋⋯⋯但係如果畀你抽到同呢位仁兄交換禮物，會唔會即刻覺得人生滿希望呢？

冇錯，係Bill Gates呀！話晒都係Mircosoft話事人，竟然做聖誕老人送禮畀你喎，高唔高興，歡唔歡喜先～收到嗰嗰梗係滿心歡喜啦！起碼肯肯定唔會送隻尖叫雞畀你先呀⋯⋯

收到呢一大堆禮物嘅幸運兒係叫做Alicia，你以為Bill Gates求其買堆貴嘢就算？畀你估到就唔係Bill Gates啦！雖然呢位大人物日理萬Gates，但啲禮物全部都係佢精心挑選，事前仲做過Research睇下呢個幸運兒鍾意啲咩㗎～

拖鞋、手套呢啲好正常啫～但係買埋畀狗狗呢下就真係kind of sweet喇！

嘩，就連薩爾達傳說把大師之劍都有呀！不過紙造嘅好似輕手咗啲噃～

重頭戲到喇，估唔到最大嘅嗰盒係Xbox minecraft版，仲要連遙控都寧舍不同㗎，三款都係特別版！你以為咁已經夠重手？最最最犀利嘅係Bill Gates 竟然送咗部經典中嘅經典，所有遊戲迷都夢寐以求嘅NES 經典版，聽聞喺Ebay 最高畀人炒到8.8萬美金㗎喇！

Bill Gates仲好卡哇依咁將自己key咗係人哋張相度扮同人聖誕合照?～見到人哋咁爽皮，你係咪都好想可以抽到Tim Cook做你嘅聖誕老人收下蘋果套裝呢？諗下好喇～蘋果就冇喇，同毛毛一齊葡萄罷啦。

封面圖片及資料來源：RedditGifts