送禮嚟講，唔少hihi都鍾意用n層花紙（或者報紙）包份禮物，令份禮物嘅體積超出本體嘅n倍，務求令收禮物嗰條友拆花紙都拆到手軟，延長佢哋估份禮物到底係咩嘅不安時間。而呢位外國網民嘅阿哥當然都唔例外，運用特別嘅包禮物方法嚟玩9佢細佬啦！一齊睇下～

喂，份禮物包到咁樣樣，唔使問都知係結他啦！ 不過諗落結他又好似冇咁細，而ukulele又好似冇咁大喎，唔通呢支有結他味道嘅禮物，真身唔係結他？

如果你以為呢位網民收到嘅係一支結他，少年，你未免太年輕喇～其實結他只係表面上嘅掩飾，實際上……佢係一隻wii game嚟㗎！ 

雖然呢位網民就收唔到結他做聖誕禮物，之不過多隻game打下都好吖～

btw，點解睇睇下隻wii game又好似唔多對路咁嘅？

原來wii game又係掩飾嚟，阿哥真真正正想送畀佢嘅係gift card先啱呀！ 

估唔到阿哥竟然搞咁大場大龍鳳，自製埋wii game盒同結他盒，就係為咗將呢張咁細張嘅gift card送畀細佬……收到呢份禮物嘅心情簡直就同玩過山車一樣咁興奮，呢啲咪愛囉哈利！

btw，以毛毛9估，其實阿哥都係知道送禮好易中伏，萬一你唔鍾意份禮物，將佢亂咁放喺屋企，咁阿哥咪一秒變送禮勤？所以送張gift card畀你，你自己想要咩就買咩咪仲好～話時話，阿哥咁有你心，你做細嘅又點報答阿哥先？

資料來源：Lictalon／imgur