想當年跟阿媽去超市買嘢，最爽就係有得坐喺手推車上面畀阿媽推住周圍走。

吖，唔知係咪因為大家都想搵返童年樂趣嘅關係呢！繼早前有網民發現上面呢位廢青坐喺超市手推車度撳電話之後，最近有台灣網民都發現有位牛高馬大嘅廢青坐咗喺架手推車度任人推喎，而且仲要唔係手推車嘅上格，而係非常窄嘅下格?！一齊睇下～

估唔到一個廢青竟然可以將自己成個人收埋喺咁窄嘅手推車下格，仲要照撳手機都冇問題呀下！睇嚟呢位廢青肯肯定天生骨格精奇，係萬中無一嘅練武好材料嚟嘞……老老77，到底你係咪平時跟Do姐跳開鈣質舞，所以啲筋骨先咁軟先？

而講到骨格精奇呢家嘢，又點可以唔提一眾主子呢。聽講呢隻主子足足keep住呢個坐姿坐咗成分鐘有多呀～

btw，其實又唔怪得啲廢青咁大個人都要坐手推車嘅，話晒家陣一街都係關愛批鬥座，啲廢青又邊有咁容易搵到位坐吖～萬一陣間畀人影相放相網批鬥咁點算喎！喂大佬，我已經連個人都摺埋咗，你唔係咁都要批鬥我下話？

資料來源：顏愷賢／‎●【爆廢公社】●、May Li‎／●【爆料公社】●​、dcard

回帶：【生活態度】阿媽買嘢，我咪坐喺手推車度撳電話囉！

回帶又回帶：【頭已側】貓貓keep住呢個坐姿成分鐘係咩玩法？